ئايەت ۋە سۈرە نومۇرى ئارقىلىق ئىزدەش
رەببىڭغا تەسبىھ ئېيتقىن، ھەمدى ئېيتقىن ۋە ئۇنىڭدىن مەغپىرەت تىلىگىن. ئاللاھ ھەقىقەتەن تەۋبىنى بەك قوبۇل قىلغۇچىدۇر. [110-سۈرە نەسر، 3-ئايەت]
ئائىشە رەزىيەللاھۇ ئەنھا رىۋايەت قىلىپ مۇنداق دەيدۇ: پەيغەمبەر سەللەللاھۇ ئەلەيھى ۋەسەللەم: «ئاللاھ ئەڭ ياخشى كۆرىدىغان ئەمەل قايسى؟» دەپ سورالدى. پەيغەمبەر سەللەللاھۇ ئەلەيھى ۋەسەللەم: «ئاز بولسىمۇ ئىزچىل بولغىنى» دېدى. يەنە: «(نەپلە) ئەمەللەردىن كۈچۈڭلار يەتكەن مىقداردا قىلىڭلار» دېدى.(بۇخارىي، 6465 – ھەدىس، رىقاق، 18؛ مۇسلىم، 1828 – ھەدىس، مۇسافىرىين، 216)
سوئال: كەمتەرلىك دېگەننىڭ مەنىسى نېمە؟
جاۋاب: كەمتەرلىك ــ ھەقىقەت قانداقلا بىر كىشى تەرىپىدە بولسا، چوڭلىق قىلماي ئۇنى قوبۇل قىلىش ۋە ئۆزىدىن تۆۋەن كىشىلەرگە كەمتەرلىك، مېھرى - مۇھەببەت ۋە يۇمشاقلىق بىلەن مۇئامىلە قىلىشتۇر. كەمتەرلىكنىڭ ئەكسى كىبىر (ئۆزىنى چوڭ ساناش)تۇر.
بۇ تەرىپ پەيغەمبەر ئەلەيھىسسالامنىڭ سۆزىدىن ئېلىنغان. پەيغەمبەر ئەلەيھىسسالام مۇنداق دېگەن: «كىبىر ــ ھەقنى قوبۇل قىلماسلىق ۋە كىشىلەرنى كۆزگە ئىلماسلىقتۇر»(ئىمام مۇسلىم رىۋايىتى). پەيغەمبەر ئەلەيھىسسالام بۇ ئىككى جۈملىلىك ئىخچام سۆز بىلەن ئىنتايىن چوڭقۇر ۋە كەڭ مەنىنى ئايدىڭلاشتۇرۇپ بەرگەن.
پەرۋەردىگارىمىز! ﻫﯧﺴﺎﺏ ﺋﺎﻟﯩﺪﯨﻐﺎﻥ ﻛﯜﻧﺪﻩ (ﻳﻪﻧﻰ ﻗﯩﻴﺎﻣﻪﺕ ﻛﯜﻧﯩﺪﻩ) ﻣﺎﯕﺎ، ﺋﺎﺗﺎ - ﺋﺎﻧﺎﻣﻐﺎ ﯞﻩ ﻣﯚﻣﯩﻨﻠﻪﺭﮔﻪ ﻣﻪﻏﭙﯩﺮﻩﺕ ﻗﯩﻠﻐﯩﻦ (ئىبراھىم سۈرىسى 41 - ئايەت)