92. باب ئېغىر-بېسىقلىق ۋە تەمكىنلىك توغرىسىدا
ئاللاھ تائالا مۇنداق دېگەن: ﴿وَعِبَادُ الرَّحْمَنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا﴾ مەرھەمەتلىك ئاللاھنىڭ (ياخشى كۆرىدىغان) بەندىلىرى زېمىندا ئۆزلىرىنى تۆۋەن تۇتۇپ تەمكىنلىك بىلەن ماڭىدۇ، نادانلار ئۇلارغا (ياقتۇرمايدىغان) سۆز قىلسا، ئۇلار: « سىلەرگە ئامانلىق تىلەيمىز » ، دەيدۇ (يەنى گۇناھ بولمايدىغان سۆزلەرنى قىلىدۇ) . («قۇرئان كەرىم» سۈرە فۇرقان 63- ئايەتنىڭ بىر قىسمى)
703. ئائىشە رەزىيەللاھۇ ئەنھادىن رىۋايەت قىلىنىدۇكى، پەيغەمبەر ئەلەيھىسسالامنىڭ ئۈستىنكى تاڭلىيى كۆرۈنگۈدەك دەرىجىدە ئاغزىنى ئېچىپ قاقاقلاپ كۈلگەنلىكىنى ھېچ كۆرگۈنۈم يوق، ئۇ پەقەتلا كۈلۈمسىرەپ قوياتتى.
― بۇخارى ۋە مۇسلىم رىۋايەت قىلغان.
ھەدىسنىڭ مۇھىم نۇقتىسى: ئاز كۈلۈشنىڭ ياخشى ئىكەنلىكى، چۈنكى كۆپ كۈلۈش ئاللاھ تائالادىن غاپىل قىلىپ قويىدۇ. بەزى ھاللاردا كۆپ كۈلۈش كىشىنىڭ قېرىداشلىرى ئارىسىدىكى تەمكىنلىكنى خۇنۈكلەشتۈرۈپ قويىدۇ.