190. باب نامازنى كۈتۈپ تۇرۇشنىڭ پەزىلىتى توغرىسىدا

1061. ئەبۇ ھۇرەيرە رەزىيەللاھۇ ئەنھۇدىن رىۋايەت قىلىنىدۇكى، پەيغەمبەر ئەلەيھىسسالام مۇنداق دېگەن: « لا يَزَالُ أَحَدُكُمْ في صَلاةٍ مَا دَامتِ الصَّلاَةُ تَحْبِسُهُ، لا يَمْنَعُهُ أَنْ يَنْقَلِبَ إِلى أَهْلِهِ إِلاَّ الصَّلاةُ » « سىلەرنىڭ بىرىڭلار نامازنى دەپ ئۆيىگە قايتماي تۇرغان بولسا، ئۇ ھامان نامازغا تۇرغان ۋاقىتتىكىدەك ساۋابقا ئېرىشىدۇ » . ― بۇخارى ۋە مۇسلىم رىۋايەت قىلغان.

1062. ئەبۇ ھۇرەيرە رەزىيەللاھۇ ئەنھۇدىن رىۋايەت قىلىنىدۇكى، پەيغەمبەر ئەلەيھىسسالام مۇنداق دېگەن: « المَلائِكَةُ تُصَلِّي عَلَى أَحَدِكُمْ مَا دَامَ في مُصَلاَّهُ الَّذي صَلَّى فِيهِ مَا لمْ يُحْدِثْ، تَقُولُ: اللَّهُمَّ اغْفِرْ لَهُ، اللَّهُمَّ ارْحَمْهُ » « بىرەرسىڭلار ناماز ئوقۇيدىغان جايىدىلا بولىدىكەن، تاھارىتى سۇنۇپ كەتمىسىلا، پەرىشتىلەر ئۇنىڭ ئۈچۈن رەھمەت تىلەپ: ‹ئى ئاللاھ! ئۇنىڭغا مەغفىرەت قىلغىن، ئى ئاللاھ! ئۇنىڭغا رەھمەت قىلغىن›، دەيدۇ.

1063. ئەنەس رەزىيەللاھۇ ئەنھۇدىن رىۋايەت قىلىنىدۇكى، رەسۇلۇللاھ بىر ئاخشىمى خۇپتەننى يېرىم كېچىگىچىلىك كېچىكتۈردى. نامازنى ئوقۇپ بولغاندىن كېيىن بىزگە يۈزلىنىپ مۇنداق دېدى: « صَلىََّ النَّاسُ وَرَقَدُوا ولَمْ تَزَالُوا في صَلاةٍ مُنْذُ انْتَظَرْتُموها » « بەزى كىشىلەر نامازنى يالغۇز ئوقۇپ بولۇپلا ئۇخلاپ قالدى، سىلەر بولساڭلار كۈتۈپ تۇرغان چاغلىرىڭلاردىن ھازىرغا قەدەر نامازنىڭ ئىچىدە تۇرغان ھېسابلىنىسىلەر » .