215. باب مىسۋاك ئىشلىتىشنىڭ پەزىلىتى، تەبىئىي خىسلەتلەر توغرىسىدا

1196. ئەبۇ ھۇرەيرە رەزىيەللاھۇ ئەنھۇدىن رىۋايەت قىلىنىدۇكى، پەيغەمبەر ئەلەيھىسسالام مۇنداق دېگەن: « لَوْلا أَنْ أَشُقَّ عَلى أُمَّتي ­أَوْ عَلى الناس لأمرْتُهُمْ بِالسِّواكِ معَ كلِّ صلاةٍ » « ئۈممىتىمگە ياكى كىشىلەرگە ( « ئۈممىتىم ياكى كىشىلەر »، د ېگەن ئىككى سۆزنىڭ قايسىسىنىڭ دېيىلگەنلىكى رىۋايەت قىلغۇچىنىڭ ئېسىدە ئېنىق قالمىغان) ئېغىرچىلىق تۇغدۇرۇپ قويماي دېمىسەم، ئەلۋەتتە ئۇلارنى ھەربىر نامازدا مىسۋاك ئىشلىتىشكە بۇيرۇيتتىم. ― بۇخارى ۋە مۇسلىم رىۋايەت قىلغان.

1198. ئائىشە رەزىيەللاھۇ ئەنھادىن رىۋايەت قىلىنىدۇكى، پەيغەمبەر ئەلەيھىسسالامغا مىسۋاك ۋە تاھارەت ئالىدىغان سۇ تەييارلاپ بېرەتتۇق، پەيغەمبەر ئەلەيھىسسالام كېچىسى ئاللاھ تائالا خالىغان چاغدا تۇرۇپ مىسۋاك ئىشلىتەتتى، تاھارەت ئالاتتى، ناماز ئوقۇيتتى. ― مۇسلىم رىۋايەت قىلغان.

1199. ئەنەس رەزىيەللاھۇ ئەنھۇدىن رىۋايەت قىلىنىدۇكى، پەيغەمبەر ئەلەيھىسسالام مۇنداق دېگەن: « أَكثَرْتُ عَليكُمْ في السِّوَاكِ » « مەن سىلەرگە مىسۋاك ئىشلىتىش توغرۇلۇق كۆپ تەۋسىيە قىلدىم » . ― بۇخارى رىۋايەت قىلغان.

1200. شۇرەيھ رەزىيەللاھۇ ئەنھۇدىن رىۋايەت قىلىنىدۇكى، مەن ئائىشەگە: « پەيغەمبەر ئەلەيھىسسالام ئۆيگە كىرسە ھەممىدىن ئىلگىرى نېمە ئىش قىلاتتى؟»، دېسەم. ئائىشە: « مىسۋاك قىلاتتى » ، دېدى. ― مۇسلىم رىۋايەت قىلغان.

1201. ئەبۇ مۇسا ئەشئەرىي رەزىيەللاھۇ ئەنھۇدىن رىۋايەت قىلىنىدۇكى، پەيغەمبەر ئەلەيھىسسالامنىڭ يېنىغا كىرسەم مىسۋاكنىڭ باش تەرىپى پەيغەمبەر ئەلەيھىسسالامنىڭ ئاغزىدا ئىكەن. ― بۇخارى ۋە مۇسلىم رىۋايەت قىلغان.

1202. ئائىشە رەزىيەللاھۇ ئەنھادىن رىۋايەت قىلىنىدۇكى پەيغەمبەر ئەلەيھىسسالام مۇنداق دېگەن: « السِّواكُ مَطهَرةٌ للفَمِ مرْضَاةٌ للرَّبِّ » « مىسۋاك دېگەن ئېغىزنى پاكىز قىلىدۇ. ئاللاھنى رازى قىلىدۇ » . ― نەسەئىي رىۋايەت قىلغان.

1203. ئەبۇ ھۇرەيرە رەزىيەللاھۇ ئەنھۇدىن رىۋايەت قىلىنىدۇكى، پەيغەمبەر ئەلەيھىسسالام مۇنداق دېگەن: « الفِطرةُ خَمسٌ، أَوْ خمْسٌ مِنَ الفِطرةِ: الخِتان، وَالاسْتِحْدَادُ، وَتقلِيمُ الأَظفَارِ، ونَتف الإِبِطِ، وقَصُّ الشَّارِبِ » « بەش تۈرلۈك ئىش سۈننەت ھېسابلىنىدۇ. بۇ ئىشلار: خەتنە قىلىش، سۈننەت قىلىش (ئەۋرەتنىڭ تۈكلىرىنى تازىلاش.―ت)، بۇرۇت قىرقىش، تىرناق ئېلىش ۋە قولتۇق ئاستىدىكى تۈكلەرنى يۇلۇشتىن ئىبارەت » .

1204. ئائىشە رەزىيەللاھۇ ئەنھادىن رىۋايەت قىلىنىدۇكى، پەيغەمبەر ئەلەيھىسسالام مۇنداق دېگەن: « عَشرٌ مِنَ الفِطرَةِ: قَصُّ الشَّارِبِ، وإِعفَاءُ اللِّحْيَةِ، وَالسِّوَاكُ، واسْتِنشَاقُ الماءِ، وقَصُّ الأَظفَارِ، وغَسلُ البَرَاجِمِ، وَنَتفُ الإِبطِ، وَحلقُ العانَة، وانتِقاصُ المَاءِ » « ئون ئىش بولۇپ بۇ تەبىئىي خىسلەت ھېسابلىنىدۇ: بۇرۇتنى قىسقارتىش، ساقال قويۇش، مىسۋاك ئىشلىتىش، بۇرنىغا سۇ ئېلىش، تىرناق ئېلىش، بارماق ئارىلىرىنى يۇيۇش، قولتۇقنى تازىلاش، ئەۋرەتنى تازىلاش، ئىسىتىنجا قىلىش » . رىۋايەت قىلغۇچى: «ئونىنچىسىنى ئۇنتۇپ قاپتىمەن، بەلكى ئېغىزغا سۇ ئېلىش بولسا كېرەك»، دېدى. ― مۇسلىم رىۋايەت قىلغان.

1205. ئىبن ئۇمەر رەزىيەللاھۇ ئەنھۇدىن رىۋايەت قىلىنىدۇكى، پەيغەمبەر ئەلەيھىسسالام مۇنداق دېگەن: « أَحْفُوا الشَّوارِبَ وأَعْفُوا اللِّحَى » « بۇرۇتنى قىسقارتىڭلار، ساقالنى قويۇڭلار » . ― بۇخارى ۋە مۇسلىم رىۋايەت قىلغان.