251. باب باشقىلار ئۈچۈن غايىبانە دۇئا قىلىشنىڭ پەزىلىتى توغرىسىدا

ئاللاھ تائالا مۇنداق دېگەن: ﴿وَالَّذِينَ جَاؤُوا مِن بَعْدِهِمْ يَقُولُونَ رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ﴾ ئۇلاردىن كېيىن كەلگەنلەر: « پەرۋەردىگارىمىز بىزگە ۋە بىزدىن ئىلگىرى ئىمان ئېيتقان قېرىنداشلىرىمىزغا مەغفىرەت قىلغىن » ، دەيدۇ («قۇرئان كەرىم» سۈرە ھەشىر 10- ئايەت)

ئاللاھ تائالا يەنە مۇنداق دېگەن: ﴿وَاسْتَغْفِرْ لِذَنبِكَ وَلِلْمُؤْمِنِينَ وَالْمُؤْمِنَاتِ﴾ گۇناھىڭ ئۈچۈن، ئەر-ئايال مۇئمىنلەر ئۈچۈن مەغفىرەت تىلىگىن («قۇرئان كەرىم» سۈرە مۇھەممەد 19- ئايەت)

ئاللاھ تائالا ئىبراھىم ئەلەيھىسسالامدىن خەۋەر بېرىپ مۇنداق دەيدۇ: ﴿رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ﴾ پەرۋەردىگارىمىز! ھېساب ئالىدىغان كۈندە ماڭا، ئاتا-ئانامغا، مۇئمىنلەرگە مەغفىرەت قىلغىن («قۇرئان كەرىم» سۈرە ئىبراھىم 41- ئايەت)

ھەدىسنىڭ مۇھىم نۇقتىسى: مۇسۇلمان قېرىندىشىغا غايىبانە دۇئا قىلىپ قويۇشنىڭ پەزىلىتى ۋە بۇ پەزىلەتنىڭ مۇسۇلمانلار جامائەسىگە ياكى بارلىق مۇسۇلمانلارغا دۇئا قىلىش ئارقىلىق قولغا كېلىدىغانلىقى.

― مۇسلىم رىۋايەت قىلغان.

ھەدىسنىڭ مۇھىم نۇقتىسى: ئۆزىگە ۋە مۇسۇلمان قېرىندىشىغا قىلغان دۇئاسىنىڭ ئىجابەت بولۇشى ئۈچۈن ۋە ئوخشاش ياخشىلىققا ئېرىشىش ئۈچۈن دۇئا قىلىشنىڭ ياخشى ئىكەنلىكى.