290. باب ئاياللارغا، كېلىشكەن يىگىتلەرگە دىنىي زۆرۈرىيەت بولمىغان شارائىتتا قاراشنىڭ ھاراملىقى توغرىسىدا

1622. ئەبۇ ھۇرەيرە رەزىيەللاھۇ ئەنھۇدىن رىۋايەت قىلىنىدۇكى، پەيغەمبەر ئەلەيھىسسالام مۇنداق دېگەن: « كُتِبَ على ابْنِ آدم نَصِيبُهُ مِنَ الزِّنَا مُدْرِكٌ ذلكَ لا محالَةَ: الْعَيْنَانِ زِنَاهُمَا النَّظَرُ، والأُذُنَانِ زِنَاهُما الاستِماعُ، واللِّسَانُ زِنَاهُ الْكَلامُ، وَالْيدُ زِنَاهَا الْبَطْشُ، والرَّجْلُ زِنَاهَا الخُطَا، والْقَلْب يَهْوَى وَيَتَمنَّى، ويُصَدِّقُ ذلكَ الْفرْجُ أوْ يُكَذِّبُهُ » « ئادەم بالىسىغا زىنا قىلىش پۈتۈلگەن بولسا ئۇنى قىلماسلىققا چارىسى بولمايدۇ. ئىككى كۆزنىڭ زىناسى قاراشتۇر. ئىككى قۇلاقنىڭ زىناسى زىناغا ئائىت سۆزنى ئاڭلاشتۇر، تىلنىڭ زىناسى زىناغا ئائىت سۆزنى قىلىشتۇر، قولنىڭ زىناسى تۇتۇشتۇر. پۇتنىڭ زىناسى زىناغا مېڭىشتۇر، كۆڭۈل زىناسى خالايدۇ ۋە ئارزۇ قىلىدۇ. جىنسى ئەزا بۇ خاھىشىنى ئەمەلگە ئاشۇرىدۇ ياكى يالغانغا چىقىرىدۇ » . ― بۇخارى ۋە مۇسلىم رىۋايەت قىلغان.

1623. ئەبۇ سەئىد خۇدرى رەزىيەللاھۇ ئەنھۇدىن رىۋايەت قىلىنىدۇكى، پەيغەمبەر ئەلەيھىسسالام: « إيَّاكُمْ والجُلُوسِ في الطُّرُقَاتِ » « كوچىلاردا ئولتۇرۇشتىن ساقلىنىڭلار » ، دېگەندە كىشىلەر: « ئۇ يەردە ئولتۇرمىساق بولمايدۇ، چۈنكى كوچىلار بىزنىڭ ئولتۇرۇپ پاراڭ سېلىشىدىغان جايىمىز » ، دېيىشتى. رەسۇلۇللاھ ئۇلارغا: « فإذا أبَيْتُمْ إلاَّ المجْلِسَ، فأَعْطُوا الطَّرِيقَ حَقَّهُ » « كوچىلاردا يەنىلا ئولتۇرۇۋېرىدىغان بولساڭلار، كوچىنىڭ ھەققىنى ئادا قىلىپ ئولتۇرۇڭلار » ، دېدى. ئۇلار: « كوچىنىڭ ھەققى نېمە؟»، دەپ سورىدى. رەسۇلۇللاھ: « غَضَّ البصر، وكَفُّ الأذَى، وردُّ السَّلامِ، والأمْرُ بِالمَعْرُوفِ والنَّهىُ عنِ المُنْكَرِ » ، « كوچىنىڭ ھەققى ھارامدىن كۆزىنى يىغىش، كىشىلەرگە ئەزىيەت يەتكۈزمەسلىك، سالام بەرگەنلەرنىڭ سالامىنى ئىلىك ئېلىش، كىشىلەرنى ياخشىلىققا بۇيرۇپ، يامانلىقتىن توسوش » ، دېدى. ― بۇخارى ۋە مۇسلىم رىۋايەت قىلغان.

1624. ئەبۇ تەلھە رەزىيەللاھۇ ئەنھۇدىن رىۋايەت قىلىنىدۇكى، بىز ئۆيىمىزنىڭ سەيناسىدا پاراڭلىشىپ ئولتۇرغانىدۇق، رەسۇلۇللاھ كېلىپ ئۈستىمىزدە تۇرۇپ: « مالكُمْ وَلمَجالِسِ الصُّعُداتِ؟ « سىلەرگە نېمە بولدى، يولدا ئولتۇرۇپسىلەر؟ يوللاردا ئولتۇرماڭلار »، د ېدى. بىز: « ئى رەسۇلۇللاھ، بىز يامان ئىشلار بىلەن ئولتۇرمىدۇق، ئۆزئارا مۇزاكىرلىشىپ ۋە سۆزلىشىپ ئولتۇردۇق »، د ېسەك. رەسۇلۇللاھ: «« إما لا فَأدُّوا حَقَّهَا: غَضُّ البصرِ، ورَدُّ السَّلام، وحُسْنُ الكَلام » « ئولتۇرمىسا بولمايدىغان ئىش بولسا يولنىڭ ھەققىنى ئادا قىلىپ ئولتۇرۇڭلار، يولنىڭ ھەققى نامەھرەمدىن كۆزنى يىغىش، سالام قايتۇرۇش ۋە ياخشى گەپلەرنى قىلىش »، د ېدى. ― مۇسلىم رىۋايەت قىلغان.

1625. جەرىر رەزىيەللاھۇ ئەنھۇدىن رىۋايەت قىلىنىدۇكى، مەن پەيغەمبەر ئەلەيھىسسالامدىن بىر نامەھرەمگە ئۇشتۇمتۇت قاراپ قېلىش توغرۇلۇق سورىسام، پەيغەمبەر ئەلەيھىسسالام ماڭا بۇيرۇق قىلىپ: « اصْرِفْ بصَرَك » « تېز باشقا تەرەپكە قارىۋالغىن »، د ېدى. ― مۇسلىم رىۋايەت قىلغان.

1626. ئۇممۇ سەلەمە رەزىيەللاھۇ ئەنھادىن رىۋايەت قىلىنىدۇكى، مەيمۇنە ئىككىمىز رەسۇلۇللاھنىڭ يېنىدا ئىدۇق، ئابدۇللاھ ئىبن ئۇممۇ مەكتۇم كەپقالدى. بۇ بىز ھىجاپقا بۇيرۇلغاندىن كېيىن بولغان ئىش ئىدى. رەسۇلۇللاھ بىزگە: « احْتَجِبا مِنْهُ » « ئۆزۈڭلارنى دالدىغا ئېلىڭلار »، د ېدى. بىز: « ئى رەسۇلۇللاھ، ئۇ بىزنى كۆرەلمەيدىغان ۋە تونۇيالمايدىغان ئەما ئەمەسمۇ؟»، دېدۇق. رەسۇلۇللاھ: « أفَعَمْياوَانِ أنْتُما ألَسْتُما تُبصِرانِهِ؟ » « سىلەرمۇ ئەمامۇ؟ سىلەرمۇ ئۇنى كۆرەلمەمسىلەر؟»، دېدى.

1627. ئەبۇ سەئىد رەزىيەللاھۇ ئەنھۇدىن رىۋايەت قىلىنىدۇكى، پەيغەمبەر ئەلەيھىسسالام مۇنداق دېگەن: « لا يَنْظُرُ الرَّجُلُ إلى عوْرةِ الرَّجُلِ، وَلا المَرْأةُ إلى عوْرَةِ المَرْأةِ، ولا يُفْضِى الرَّجُلُ إلى الرَّجُلِ في ثوبٍ واحِدٍ، ولا تُفْضِى المَرْأةُ إلى المَرْأةِ في الثَّوْبِ الواحِدِ » « ئەر-ئەرنىڭ، ئايال-ئايالنىڭ ئەۋرىتىگە قارىمىسۇن، بىر ئەر يەنە بىر ئەر بىلەن، بىر ئايال يەنە بىر ئايال بىلەن بىر يوتقاندا ياتمىسۇن » . ― مۇسلىم رىۋايەت قىلغان.