313. باب زۇلھەججە ئېيىنىڭ ئونى كىرگەندە قۇربانلىق قىلماقچى بولغان ئادەمنىڭ تاكى قۇربانلىق قىلغۇچە بەدىنىدىكى تۈكلەرنى ۋە تىرنىقىنى ئالماسلىقى توغرىسىدا
1706. ئۇممۇ سەلەمە رەزىيەللاھۇ ئەنھادىن رىۋايەت قىلىنىدۇكى، پەيغەمبەر ئەلەيھىسسالام مۇنداق دېگەن: « مَنْ كَانَ لَهُ ذِبْحٌ يَذْبَحُهُ، فَإِذا أُهِلَّ هِلالُ ذِي الحِجَّة، فَلا يَأْخُذَنَّ مِنْ شَعْره وَلا منْ أَظْفَارهِ شَيْئاً حتى يُضَحِّيَ » « كىمكى ئۇنىڭ قۇربانلىق قىلىدىغان مېلى بولۇپ، زۇلھەججە ئېيى كىرىپ قالسا تاكى قۇربانلىق قىلغانغا قەدەر، بەدىنىدىكى تۈك ۋە تىرناقلاردىن ھېچ نەرسىنى ئالمىسۇن » . ― مۇسلىم رىۋايەت قىلغان.
ھەدىسنىڭ مۇھىم نۇقتىسى: قۇربانلىق قىلىشنى نىيەت قىلغان كىشى زۇلھەججە ئېيىنىڭ كىرىشى بىلەن چاچ-تىرناقلىرىنى ئالماي قويۇشنىڭ ياخشى ئىكەنلىكى، مەزكۇر كىشى چاچ-تىرناقلىرىنى ئېلىۋەتسە ياخشى بولمايدىغانلىقى، بۇنىڭدىكى ھېكمەت: ھەجدە قۇربانلىق ماللىرىنى قۇربانلىق قىلغانغا ئوخشاشلا، قۇربانلىق قىلغان ۋاقىتتا بارلىق ئەزالىرىنىڭ ئاللاھنىڭ كەچۈرىمى، مەغفىرىتىگە ئورتاق ئېرىشىشى ئۈچۈندۇر. كېسەل ياكى يارىلانغان كىشىلەرنىڭ چاچ-تىرناقلىرىنى ئېلىۋەتسە بولىدىغانلىقى.